Oktavuođaváldinbivdda ja heaggadieđuid gieđahallan

Manin ja makkár ákkaiguin du heaggadieđut gieđahallojuvvojit Melas? 

Du heaggadieđut dárbbašuvvojit oktavuođabivdaga gieđahallama ja vástideami várás. Mela ii sáhte váldit dutnje oktavuođa almmá heaggadieđuidat gieđahallama haga. Du addin oktavuođadieđuid lassin oktavuođabivdaga sáddema oktavuođas gieđahallojuvvojit du geavahan diehtojohtolatoktavuođa dovddaldatdieđut (omd. IP-čujuhus) ja dieđusirdimii laktáseaddji eará dieđut.  

Du heaggadieđuid gieđahallan vuođđuduvvá Mela vuoigadahttojuvvon ovdui. 

Mela riekti háhkat ja luobahit du heaggadieđuid 

Mela ii hága du oktavuođabivdaga vuođul dutnje guoskevaš dieđuid earáin iige maiddái luobat du dieđuid earáide almmá du miehtama haga. 

Du dieđuid gieđahallet Mela vuolde doaibmi fitnodagat, dego IT-bálvalusaid doaimmaheaddjit. Dieđuid gieđahallama teknihkalaš ollašuhttima dihtii du heaggadieđut sáhttet sirdojuvvot Eurohpa uniovnna dahje Eurohpa ekonomiijaguovllu olggobeallái láhkaásaheami diktin rájiid siste. Dieđuid sirdima eaktun lea, ahte 

• Eurohpa kommišuvdna lea mearridan, ahte gažaldatvuloš riikka dahje organisašuvnna diehtosuoji dássi lea doarvái, 

• daid gieđahalli oassebealit leat čatnan Melain EU-kommišuvnna dohkkehan standárdaeavttuid sisttisdoalli soahpamuša, mii sihkkarastá dieđuid gieđahallama lága mielde (https://eur-lex.europa.eu/legal-content/FI/TXT/PDF/?uri=CELEX:32021D0914), dahje  

• gažaldagas lea eará diehtosuodjeláhkaásaheami diktin sirdinmekanisma. 

Dus lea riekti dárkkistit dieđuidat 

Dus lea riekti oažžut diehtit, maid dieđuid Mela lea dus vurken. Sáhtát oažžut kopiija heaggadieđuinat. 

Sáhtát bivdit eahpedárkilis ja feaillalaš heaggadieđuid njulgema. Sáhtát maid dievasmahttit váilevaš heaggadieđuidat, juos das lea heaggadieđuid gieđahallanulbmila dáfus mearkkašupmi. 

Heaggadieđuid gieđahallamii laktáseaddji eará rievttit 

Go du heaggadieđuid gieđahallan vuođđuduvvá Mela vuoigadahttojuvvon ovdui, dus lea riekti bivdit, ahte dutnje guoskevaš dieđut sihkkojuvvojit. Sáhtát maid vuostálastit iežat heaggadieđuid gieđahallama dahjege bivdit, ahte du dieđut eai gieđahallojuvvoše ollenge, juos dus lea dasa muhtin persovnnalaš dillásat laktáseaddji erenomáš sivva. 

Dasa lassin sáhtát bivdit Mela ráddjet iežat heaggadieđuid gieđahallama, juos dat leat du mielas feaillalaččat dahje dat gieđahallojuvvojit lága vuostá. Dalle Mela sáhttá gieđahallat du dieđuid dušše du miehtama vuođul dahje diehtosuodjeásahusa erenomážit namuhan ulbmiliid várás. 

Heaggadieđuide guoskevaš bivdagat ja váidinriekti 

Juos háliidat bivdit kopiija iežat heaggadieđuin, gáibidit dieđuid sihkkuma dahje ráddjet dahje vuostálastit iežat heaggadieđuid gieđahallama, sáhtát doaimmahit bivdaga suddjejuvvon šleađgapoastta bokte čujuhussii tietosuoja (at) mela.fi. Heaggadieđuide guoskevaš bivdaga dahkan ja vástádusa vuostáiváldin leat dávjjimusat nuvttá. Juos Mela ii ollašuhte du bivdaga vuođul du heaggadieđuide guoskevaš doaibmabijuid, oaččut almmuhusa áššis maŋemustá mánu siste. 

Juos du bivdda ii sáhte ollašuhttojuvvot, Mela muitala siva. Juos leat duhtameahttun Mela čovdosii du heaggadieđuide guoskevaš áššis dahje juos gávnnahat, ahte Mela ii čuovo EU diehtosuodjeásahusa dutnje guoskevaš heaggadieđuid gieđahallamis, dus lea riekti váidit áššis diehtosuodjeáittardeaddjái. 

Du heaggadieđuid seailluheapmi 

Oktavuođaváldinbivdaga oktavuođas gieđahallojuvvon heaggadieđut seailluhuvvojit dávjjimusat ovtta jagi oktavuođabivdaga doaimmaheami maŋŋá. 

Registtardoalli 

Mela lea oktavuođaváldinbivdaga oktavuođas gieđahallojuvvon heaggadieđuid registtardoalli. 

Mela diehtosuodjevástideaddji oktavuođadieđut 

Sáhtát sáddet diehtosuodjevástideaddjái suddjejuvvon šleađgapoastta: mela.fi/tietosuoja>Tietosuojavastaavan yhteystiedot. Vállje vuostáiváldin Tietosuoja.  

Sáhtát riŋget Mela telefonguovddážii 029 435 11 dahje sáddet reivve Mela poastačujuhussii. Čále konfaluhttii vuostáiváldin Tietosuojavastaava/Mela. 

Loga lasi: Heaggadieđuid gieđahallan ja diehtosuodji Melas.