Njuike navigašuvnna meattá

Gažaldagat, mat jerrojit dávjá

Oaččungo buhtadusa sadjásašveahkis, man lean ordnen, jos sadjásaš álggahii bargguidis moadde diimmu ovdal go sadjásašveahkkeohcamuš ollii Melai?

Dađi bahábut it oaččo. Olles sadjásašveahkkeáigodat hilgojuvvo, jos barggut leat álggahuvvon ovdal ohcamuša ollema.

Lean ohcan sadjásašveahki juo oktii boatkanmeahttun buohcama álggus. Galggango mun ohcat sadjásašveahkkevuoigatvuođa ođđasit, go sadjásašveahkis lea moadde beaivvi boatkka, vaikko doaktárduođaštus lea fámus boatkkaga maŋŋelnai.

Jos leat doaimmahan doaktárduođaštusa Melai juo ovdal sadjásašveahki joatkašuvvama, don it dárbbaš ohcat sadjásašveahkkevuoigatvuođa ođđasit.

Ohcen Melas sadjásašveahki čálalaččat go buohccájin. Ordnejin sadjásačča moatti beaivái dikšut mu bohccuid. Viggen dan maŋŋel máhccat bargui, muhto fuomášin jođánit, ahte in lean velge dearvvaš ja dárbbašan ain sadjásačča. Galggango mun dahkat ođđa čálalaš sadjásašveahkkeohcamuša ovdal go sadjásaš sáhttá álggahit barggus ođđasit?

Jos it leat vel ohcan buhtadusa moatti vuosttaš sadjásašveahkkebeaivvis, don it dárbbaš dahkat ođđa sadjásašveahkkeohcamuša, vaikko sadjásašveahkis livččiige leamašan boatkka.

Lean geavahan sadjásašveahki 15.4. - 31.5.2018. Goas mun galggan maŋimustá ohcat buhtadusa dán sadjásašveahkis?

Áigodagas 15.4. – 30.4.2018 buhtadanohcamuš seahtá leat Melas maŋimustá 31.5.2018, áigodagas 1.5. – 31.5.2018 buhtadanohcamuš seahtá leat Melas maŋimustá 30.6.2018.

Váldde oktavuođa

Oktavuohtadiedut