Diehtu Mela birra
Mela lea eanadoallofitnodatolbmuid ja veahkkeruđaoažžuid ealáhatlágádus. Mii fállat eanadolliide, badjeolbmuide, guolásteddjiide, meahcioamasteddjiide ja dáidaga ja diehtaga veahkkeruhtaoažžuide máŋggabealat ealáhat- ja sosiáladorvvu eallima iešguđet dilálašvuhtii.
Eanet go dušše beare ealáhatlágádus
Mii dorvvastit min áššehasaid árgga eallima iešguđet muttus. Ealáhatoadjudeami lassin mii fuolahit min áššehasaid
- lágas mearriduvvon bargobárteoadjudeamis
- astoáigge bárteoadjudeamis
- Mela-buohcanbeaiveruđas
- ámmátlaš veajuiduhttimis
- joavkoheaggaoajus
- eanadoallofitnodatolbmuid badjeolbmuid luohpandoarjagis.
Dán lassin mii hálddašit eanadoallofitnodatolbmuid ja dorkabuvttadeddjiid luopmobálvalanvuogádaga ja addit bargodorvvolašvuohta- ja bargoburesveadjinrávvema
Oktasaš namahusain dát buot gohčoduvvojit Mela-dorvun.
Eanadoallofitnodatolbmuid ja veahkkeruđaoažžuid bargoealáhatdorvu vuođđuduvvá láhkii
Eanadoallofitnodatolbmo ealáhatlága MYEL-oadju lea eanadolliid, meahcioamasteddjiid, guolásteddjiid ja badjeolbmuid ja sin bearašlahtuid bargoealáhatoadju. Maiddái diehtaga ja dáidaga veahkkeruđaoažžut gullet dán ealáhatdorvvu ollái.
Lágas mearriduvvon MYEL-oajus máksojuvvojit vástideaddji ealáhagat nu mot earánai bargoealáhatvuogádagas. Maiddái ealáhat čoggo seamma ládje go eará bargoealáhagain. Jos oadjuduvvon olmmoš lea lassin fitnodatdoallodahje bálkábarggus, MYEL-oadju dievasmahttá su oppalaš ealáhatdorvvu.
Eanadoallofitnodatolbmuid ealáhatoadju
MYEL-oadju lea eanaš dálonguovllu fitnodatdolliide bákkolaš. Jos fitnodatdoalli ii gula bákkolaš odjui, son sáhttá váldit oaju eaktodáhtolažžan.
Dálonguovllu fitnodatdoallin oadjuduvvojit
- fitnodatdoallit, geat barget iehčanassii eana- ja meahccedoaluin, ja bearašlahtut, geat oassálastet bargui ja ožžot bálkká
- ámmátguolásteaddjit ja bearašlahtut, geat oassálastet guolásteapmái
- bohccooamasteaddjit ja bearašlahtut, geat oassálastet boazobargguide
- ealáhatoažžut, geat jotket eanadoallofitnodatdoaimma.
Veahkkeruđaoažžuid ealáhatoadju
Veahkkeruđaoažžu oadjuduvvo, go
- son gullá Suoma sosiáladorvvu ollái
- lea ožžon unnimustá 1 502 euro (jagi 2024) bargoveahkkeruđa, mii lea mieđihuvvon Suomas ja mii lea dárkkuhuvvon ainjuo njealji mánotbaji guhkkosaš dáiddalaš dahje dieđalaš bargui Suomas.
Oadju on bákkolaš sihke persovnnalaš veahkkeruđa oažžuide ja maiddái bargojoavkkuid bargiide, mat barget veahkkeruđain.
Vuollel 18-jahkásaš, badjel 68-jahkásaš dahje veahkkeruđaoažžu, gii lea boarisvuođaealáhagas, ii sáhte váldit oaju. Oadjudangeatnegasvuohta ii guoskka vuođđodutkosa studeremii gullevaš veahkkeruđaid, iige dušše goluid gokčamii dárkkuhuvvon veahkkeruđaid, dego mátkeveahkkeruđaid.
Bearašustitlaš bargosadji
Mela erenomáš doaibmaráva lea heivehit oktii buoremus lági mielde barggu ja bearraša. Mihttomearrámet lea doarjut barggu ja bearašeallima oktiiheiveheami eallima iešguđet diliin ja ovddidit bearašustitlaš doaladumi bargoeallimis. Mii doarjut bearašustitlašvuođa ollašuvvama praktihka daguid bokte ovdamearkka dihte dainna, ahte lea vejolaš bargat oasseáigásaččat ja gáiddusin. Ovttasbargamiin mii sihkkarastit dan, ahte bearašustitlaš doaladupmi oidno ja gullo bargobáikkisteamet.
Dehálamos sáhkamet bearašustitlaš doaimmas leat:
- Bargobáikámet bearašustitlašvuohta ovddida mihttomeriideamet juksama ja lasiha bargiid bargomovtta.
- Buorre ovdaolmmoš váldá vuhtii bargiid eallimiid iešguđet diliid ja čuovvu vuhtiiválddedettiinis sohppojuvvon njuovžilvuođaid ja njuolggadusaid.
- Doaladumis lea váikkuhus! Olles organisašuvdnamet čatnasa ásahit doaibmavugiid oassin min árggas Bearašustitlaš bargobáiki -kampánjja mielde.
Mii leat mielde Álbmotlihtu Bearašustitlaš bargobáiki -prográmmas.
