Árramuttu doarjaga bálvalusaid -proseassa
Registeradoalli
Eanadoalliid ealáhatlágádus (Mela)
PL 16
02101 ESPOO
Tlf. 029 435 11
Oktavuođaolmmoš proseassa guoskevaš áššiin
Marja-Leena Rautaparta
Mela
Revontulenpuisto 2 C
02100 ESPOO
Tlf. 029 435 11
Proseassa namma
Árra doarjaga bálvalusaid proseassa
Heaggadieđuid geavahanulbmil
Mela ollašuhttá eanandoallofitnodatolbmuide láhkageatnegahtton árra doarjaga bálvalusaid:
- bargonákcarávvejeaddjiid addin bargonávccaide laktáseaddji rávven- ja bagadallanbálvalusat;
- vihkkedallama vuođul addojuvvon oastinbálvalusmiehtan mielladearvvašvuođa áššedovdibálvalusaide;
- árra doarjaga doaibmamálle ollašuhtti čanasjoavkofierpmádaga bajásdoallan ja ovddideapmi;
- bargonávccaid doarjumii ja bargonávccahisvuođa ovddalgihtii eastadeapmái laktáseaddji skuvlejumiid ja digitála bálvalusaid lágideapmi ja árra doarjaga bálvalusaide laktáseaddji gulahallan.
Proseassas hálddašuvvojit eanandoallofitnodatolbmuid árra doarjaga bálvalusaid áššehasdieđut, oastinbálvalusčatnaseami addimii ja čuovvumii ja lassin čanasjoavkogulahallamii ja eará árra doarjaga bálvalusaide guoskevaš gulahallamii ja raporteremii laktáseaddji dieđut. Statistihkkadieđut ávkkástallojuvvojit doaimma čuovvumis ja dieđiheamis.
Diehtosisdoallu
Registrerejuvvon joavkkut
- Mela áššehasat
- Mela gieđahallit
- Čanasjoavkkuid oktavuođaolbmot
Registrerejuvvon dieđut juohkásit heaggadiehtojoavkkuide
- Heaggadieđut
- Organisašuvnna dieđut
- Gieđahallandieđut
Registrerejuvvon olbmo heaggadieđut
Áššehasdeaivvadeapmi
- Áššehasa namma
- Áššehasa oktavuođadieđut
- Buvttadansuorgi ja dálu eará vuođđodieđut
- Bargonávccaid árvvoštallan
- Doaivvalašvuođaárvvoštallan
- Áššehasdeaivvadeami ollašuhttima teknihkalaš dieđut (omd. Teams-čoahkkima oktavuođas terminálarusttega dieđut ja oassálastindieđut) ja áššehasa vejolaččat čállin dieđut
Oastinbálvalusčatnaseamit/-ohcamušat
- Ohcamuša/čatnašeami nummir
- Ohcci namma
- Ohcci čujuhusdieđut
- Persovdnanummir
- Sohkabealli
- Ohcanbeaivi
- Gallát ohcan
- Ohcanágga
- Mieđihanbeaivi
- Čatnaseami fápmoáigi
- Čatnaseami šluhtten
- Buvttadansuorgi
- Oastinbálvalusčatnaseami geavahanulbmil
- Dutkanlohpi (leamaš geavahusas ovdal)
- Lohpi áigeguovdilis dieđiheapmái (leamaš geavahusas ovdal)
- Rehketdieđut (rehkega beaivemearri, rehkega euromearri, bálvalusbuvttadeaddji ja rehkega id-nummir)
Čanasjoavkkut
- Organisašuvnna namma
- Organisašuvnna čujuhus
- Oktavuođa- ja várreolbmo namma
- Šleađgapoastačujuhus
- Sajádat/doaibma
Njuolggadusvuloš diehtogáldut
Mela oažžu heaggadieđuid álgovurrosaččat áššehasas alddis ja Mela láhkageatnegahtton bargguid ollašuhttimis.
Oastinbálvalusčatnasemiide guoskevaš dieđut ožžojuvvojit oastinbálvalusčatnasanohcamušain, šluhttenbivdagiin ja rehkegiin.
Áššehasdeaivvademiin vurkejuvvojit dárbbašlaš dieđut, mat dárbbašuvvojit áššehasa ášši dikšumii. Gažaldatvuloš dieđuin sáhttá dárkkistit, main áššiin áššehasdeaivvadeamis leat ságastallojuvvon ja makkár joatkkadoaibmabijuin lea sohppojuvvon.
Čanasjoavkun doaibmi organisašuvnnaid oktavuođaolbmuid dieđut ožžojuvvojit gažaldatvuloš organisašuvnnas.
Dieđuid njuolggadusvuloš addimat
Dieđut addojuvvojit dušše registrerejuvvon olbmo miehtama vuođul dahje dalle, go addima vuostáiváldis lea láhkii vuođđuduvvi vuoigatvuohta oažžut dieđuid.
Áššehas doaimmaha ieš oastinbálvalusčatnaseami bálvalusbuvttadeaddjái, man lea válljen.
Dieđuid gieđahallan ja sirdin EU dahje ETA olggobeallái
Dieđuid gieđahallet fitnodagat, mat doibmet Mela vuolde, dego IT-bálvalusaid doaimmaheaddjit. Dieđuid gieđahallama teknihkalaš ollašuhttima dihte heaggadieđut sáhttet sirdojuvvot Eurohpá uniovnna dahje Eurohpá ekonomiijaguovllu olggobeallái dušše láhkaásaheami diktin rájáid siste. Dieđuid sirdima eaktun lea, ahte
- Eurohpá kommišuvdna lea mearridan, ahte gažaldatvuloš riikka dahje organisašuvnna diehtosuoji dássi lea doarvái gokčevaš,
- daid gieđahalli oassebealit leat čatnan Melain EU-kommišuvnna dohkkehan fástacelkosiid sisttisdoalli soahpamuša (pdf), mii sihkkarastá dieđuid gieđahallama lága mielde, dahje
- gažaldagas lea diehtosuodjeláhkaásaheami diktin eará sirdinmekanisma.
Automáhtalaš mearrádusbargan ja profileren
Heaggadieđut eai geavahuvvo automáhtalaš mearrádusbargamii iige profileremii.
Mela diehtosuodjevástideaddji oktavuođadieđut
Sáhtát sáddet diehtosuodjevástideaddjái suddjejuvvon šleađgapoastta: mela.fi/tietosuoja > Tietosuojavastaavan yhteystiedot. Vállje vuostáiváldin Tietosuoja.
Sáhtát riŋget Mela telefonguovddážii 029 435 11 dahje sáddet reivvet Mela poastačujuhussii. Čále reivve vuostáiváldin Diehtosuodjevástideaddji/Mela.
